Gorchmynion llwybrau cyhoeddus

Yr Arolygiaeth Gynllunio

Rydym yn asiantaeth gweithredol Adran yr Amgylchedd a’r Swyddfa Gymreig. Mae ein Hadran Hawliau Tramwy yn delio â phob gorchymyn llwybrau cyhoeddus yng Nghymru a wrthwynebir. Lleolir yr Adran yn:

Adeiladau’r Goron
Parc Cathays
Caerdydd
CF1 3NQ

Cewch wybodaeth fanylach amdanom yn Adroddiad Blynyddol a Chyfrifon y Prif Arolygydd. Gallwch gael y rhifyn diweddaraf o siopau llyfrau’r Llywodraeth.

Mae ein Harolygwyr ystod eang o gymwysterau a phrofiad. Eu gwaith hwy yw edrych ar bob gorchymyn. Fe’u dewisir yn ofalus a’u hyfforddi’n drwyadl.

Mae ein staff gweinyddol yng Nghaerdydd yn gyfrifol am dderbyn y gorchmynion a’r papurau gan yr awdurdodau sy’n eu gwneud. Mae’r staff hyn hefyd yn:

• Creu ffeil a gyflwynir i’r Arolygydd.
• Ateb ymholiadau.
• Trefnu ymweliadau safle, gwrandawiadau ac ymchwiliadau.
• Anfon llythyrau penderfyniadau Arolygwyr.

Y prif gyswllt ar gyfer pawb sy’n ymwneud â gwneud a gwrthwynebu’r gorchymyn yw’r swyddog achos. Os mai’r Ysgrifennydd Gwladol yn hytrach na’n harolygydd fydd yn gwneud y penderfyniad, caiff y cyfrifoldeb dros brosesu’r gorchymyn ei drosglwyddo i’r Swyddfa Gymreig. Fel arfer, digwydd hyn ar ôl i Arolygydd gynnal ymchwiliad cyhoeddus lleol, gwrandawiad neu ymweliad safle.