Cyflwyno Tystiolaeth yn Well mewn Prif Arweiniad

Wedi cytuno arno gan yr Arolygiaeth Gynllunio a chymdeithas y Bar Cynllunio Llywodraeth a’r Amgylchedd

Cyflwyniad

O dan Reolau Gweithdrefn Ymchwiliadau, rhaid darparu datganiadau ysgrifenedig o dystiolaeth pedair wythnos cyn dechrau’r ymchwiliad. Diben hyn yw rhoi cyfle i’r partïon a’r Arolygydd eu darllen cyn yr ymchwiliad, yn rhannol er mwyn arbed yr amser a gymerwyd yn y gorffennol gan dystion wrth iddynt ddarllen eu datganiadau o dystiolaeth a oedd yn aml yn faith, ar goedd yn ystod yr ymchwiliad ei hun. Er mwyn i’r rheol hon allu cyflawni ei hamcan heb osod baich gormodol ar y rhai sy’n gorfod darllen y datganiad cyn yr ymchwiliad gan gynnwys yr Arolygydd, mae’n hanfodol fod datganiadau tystiolaeth yn cael eu hysgrifennu mor gryno ag sy’n bosibl ac wedi’u cyflwyno mewn modd sydd mor syml â phosibl. Yng ngoleuni profiad, mae’r canllawiau canlynol wedi’u paratoi gyda’r bwriad o wella diwyg datganiadau o dystiolaeth ac atodiadau. Dylid cyfeirio hefyd at yr Atodiad 3(i) i Gylchlythyr 07/03 yn arbennig ym mharagraffau 10 i 16.