Adroddiad Blynyddol a Chyfrifion yr Arolygiaeth Gynllunio ar gyfer 2005-2006

Prydlondeb

a)

Penderfynu ar 80% o'r holl apeliadau cynllunio trwy gynrychioliadau ysgrifenedig o fewn 16 wythnos.

b)

Penderfynu ar 80% o'r holl apeliadau cynllunio trwy wrandawiadau o fewn 22 wythnos.

c)

Penderfynu ar 80% o'r holl apeliadau cynllunio trwy ymchwiliadau o fewn 30 wythnos.

ch)

Penderfynu ar 80% o’r holl apeliadau gorfodi trwy gynrychioliadau ysgrifenedig o fewn 32 wythnos.

d)

Penderfynu ar 80% o’r holl apeliadau gorfodi trwy wrandawiadau ac ymchwiliadau o fewn 43 wythnos.

dd)

Darparu Arolygydd ar gyfer ymchwiliadau cynlluniau datblygu mewn o leiaf 90% o achosion ar y dyddiad y gwneir cais amdano gan yr awdurdod lleol, ar yr amod nad yw'r cyfnod gwrthwynebu wedi dod i ben a bod o leiaf chwe mis o rybudd wedi ei roi.

e)

Cyflwyno 90% o adroddiadau’r Arolygwyr ar ymchwiliadau cynlluniau datblygu i awdurdodau lleol yn unol â’r amserlenni y cytunwyd arnynt o dan gytundebau gwasanaeth.

f)

Ar gyfer ceisiadau a alwyd i mewn ac apeliadau a adferwyd, cwrdd â'r amserlen unigol a bennwyd ar gyfer cyflwyno'r adroddiad i'r Cynulliad Cenedlaethol (saith wythnos hyd at wyth diwrnod eistedd ymchwiliad; amserlen gytûn ar gyfer achosion mwy).

Ansawdd

Bodloni’r Panel Cynghori ar Safonau, ac felly’r Ysgrifennydd Gwladol a Chynulliad Cenedlaethol Cymru, yn flynyddol ac yn dilyn monitro llym, bod safon uchel holl waith yr Arolygiaeth yn cael ei chynnal, a bod 99% o’i gwaith achos yn rhydd o gwynion wedi'u cyfiawnhau.

Gwybodaeth

Cynnal arolwg boddhad cwsmeriaid o ran perfformiad yr Arolygiaeth a gweithredu ar y canlyniadau.