Cenhedaeth, Gwerthoedd ac Amcanion yr Arolygiaeth

Mae ein profiad yn ystod y flwyddyn wedi sicrhau ein bod yn gallu adolygu a mireinio ein Cenhedaeth a'n Hamcanion Corfforaethol er mwyn sicrhau y gellir eu cyflawni mewn amgylchedd cynllunio sy'n newid.

Cenhadaeth yr Arolygiaeth

Defnyddio ein gwybodaeth arbenigol ddiduedd mewn cynllunio a defnydd tir er mwyn datblygu amgylcheddau sydd wedi'u cynllunio'n dda a sicrhau datblygu cynaliadwy.

Ein Gwerthoedd

Byddwn yn cyflawni ein cenhadaeth trwy sicrhau wrth ymdrin â chynllunio a gwaith achos arall y byddwn yn dilyn egwyddorion tegwch, bod yn agored a didueddrwydd. Wrth wneud penderfyniadau a pharatoi adroddiadau byddwn yn rhoi sylw i:

• polisi cyhoeddedig - cenedlaethol, rhanbarthol a lleol
• materion cynllunio ac ystyriaethau perthnasol
• barn pob un o'r partïon

Amcanion corfforaethol

Ein hamcanion corfforaethol ar gyfer 2008/09 yw:-

• cynnal enw da'r Arolygiaeth drwy reoli ein holl waith yn broffesiynol a gosod y safonau ansawdd uchaf ar gyfer ei gyflawni;
• gwneud y defnydd mwyaf cynhyrchiol o'n holl adnoddau i ddarparu gwasanaeth cwsmeriaid effeithlon ac effeithiol o ran ein holl waith achos drwy gyflawni targedau perfformiad ac ansawdd;
• gweithio gyda'n noddwyr, cwsmeriaid, rhanddeiliaid ac eraill i helpu i wella'n sylweddol y gwaith o gyflawni'r broses cynllun datblygu ac ymgorffori diwygiadau cynllunio;
• defnyddio ein harbenigedd i gynorthwyo'r broses ddiwygio barhaus ym maes cynllunio drwy ddylanwadu ar y broses o lunio polisïau drwy adborth effeithiol;
• cynnal a datblygu gweithlu hyfforddedig, medrus, amrywiol, ymrwymedig a hunangymhellol sy'n ymateb i anghenion busnes cyfnewidiol;  ac
• alinio gwaith cynllunio busnes a chynllunio ariannol i gyflawni ein hamcanion, a darparu gwasanaeth o ansawdd yn effeithlon, yn effeithiol a chan sicrhau'r gwerth gorau am arian a chyn lleied o effaith â phosibl ar yr amgylchedd.

Wrth weithio tuag at ein hamcanion, byddwn yn sicrhau preifatrwydd yr holl ddata personol a gyflwynir i ni.